Македонскиот национален комитет е составен исклучиво од ученици од Македонија на еден од колеџите, кои волонтерски го водат селекцискиот процес за идни македонски ученици на UWC. Ние ги составуваме и евалуираме апликациите, ги организираме и спроведуваме интерјувата и сме единствениот канал за комуникација помеѓу апликантите од Македонија и колеџите.
Македонскиот Национален Комитет е реконструиран во 2010 согласно вредностите на UWC движењето. Комитетот се обврзува на фер и транспарентен изборен процес на учениците, како и застапување на вредностите на UWC на територијата на Република Северна Македонија.
Кој го формира Националниот комитет?
Нашиот Национален комитет на UWC е составен од поединци кои ги споделуваат мисијата и вредностите на UWC. Тие вклучуваат:
- Алумни на UWC и нивните семејства – Поранешни ученици кои посетувале училишта или кратки курсеви на UWC, заедно со нивните семејства, кои носат лично искуство од UWC патувањето.
- Професионалци во образованието – Наставници, администратори и едукатори кои се посветени на развојот на младите и унапредување на трансформативното образование.
- Лидери од заедницата – Поединци од различни сектори кои го поддржуваат развојот на младите и глобалното граѓанство.
- Други волонтери – Поддржувачи на UWC кои го вложуваат своето време и експертиза за да помогнат во изборот и насочувањето на учениците.
Нашата историја и влијание
- Националниот комитет на UWC во Македонија избира и поддржува македонски ученици од 2010 година, кога беше основан.
- Повеќе од 100 ученици од цела Северна Македонија досега посетиле UWC училишта и колеџи.
- Секоја година добиваме над 100 апликации и внимателно ги избираме учениците преку наш процес на селекција со високи стандарди.
- Сите наши ученици добиваат целосни или делумни стипендии, прилагодени според финансиските можности на нивните семејства, со што UWC е достапен за ученици од најразлични средини.
Нашата посветеност
- Како дел од глобалната мрежа на национални комитети на UWC, се водиме според принципите и стандардите на UWC при селекцијата.
- Нашите волонтери вклучуваат и многу алумни на UWC, кои лично го поминале тоа искуство и се посветени на насочување на новите ученици.
- Одржуваме силни врски со UWC училиштата, колеџите и мрежата на алумни, со цел да понудиме поддршка и информации на учениците и нивните семејства низ целото нивно UWC патување.
Вклучи се
Националниот комитет на UWC во Македонија (НК) има активни членови – лица кои активно учествуваат во активностите на комитетот во текот на целата селекциска година, која започнува во август и завршува следното лето – и поддржувачи. Поддржувачите можат да се вклучат во промотивни или активности за прибирање средства, но не можат да учествуваат во формалниот процес на селекција, кој е резервиран само за активните членови.
Националниот комитет на UWC во Македонија (НК) има активни членови – лица кои активно учествуваат во активностите на комитетот во текот на целата селекциска година, која започнува во август и завршува следното лето – и поддржувачи. Поддржувачите можат да се вклучат во промотивни или активности за прибирање средства, но не можат да учествуваат во формалниот процес на селекција, кој е резервиран само за активните членови.
Главниот критериум за станување член на Националниот комитет е најмалку 2 години континуирана вклученост во UWC движењето. Примери за таква вклученост се:
- Учење на колеџ 2 години
- Работни активности на UWC колеџ или во UWC канцеларија
- Active participation in UWC- and NC-related activities for 2 years, including
- Учество и фасилитирање на кратки курсеви
- Организирање и учество на месечни активности (пр. Ден на UWC, собири, итн.)*
- Промотивни активности за време на селекцискиот процес (пр. Презентации во училишта)
- Донациски кампањи и активности
Покрај ова, сите членови на Националниот комитет во моментот на зачленување мора да имаат барем 18 години.
По навршувањето на двегодишниот период на вклученост во UWC движењето, алумните можат да го известат Националниот комитет за нивната намера да се вклучат во Националниот комитет така што ќе објаснат како го исполниле горенаведениот критериум. По автоматизам, алумните (по навршувањето на двегодишниот период), стануваат пасивни членови.
На почетокот на секој селекциски процес, повик за активни членови за претстојниот селекциски процес ќе биде испратен до сите пасивни членови. Зависно од бројот на заинтересирани и потребниот број на членови, селекцијата ќе биде направена од страна на активните членови од претходниот селекциски процес.